2013-04-10

Iruñsheme-iruinalabak (1)











































Liburu honen gibeleko azalari dagokion testua:


"Iruñekoa naiz, iruñshemea, euskal hiriburutarra.

Horregatik, beharbada, John Lennon 
betaurrekodunaren hitzak hamaika aldiz oroitu ditut: 
"bizitza zera duk, motel, gertatzen zaikena planak iten tuken bitartean". 
Katalina, Katalingorri, bihar zer eguraldi?

Duela urte guti, suntsitu berria zuten "Euskal Jai" hondakinen artean, 
Iruñeko ikastolaren aldeko 1935eko jaialdian parte hartu zuen 
poxpolina bat Kaldereria karrikan ikusi nuen, erosketak egiten ari zela. 
Eta euskaraz mintzo ginen, nola bertzenaz!

Izan ere, umoregileren batek erran zuenaren ildotik, 
unibertsoa mugarik gabekoa dugu, infinitoa da, bai, 
baina nafarrondako, euskaldunondako,
iruñsheme-iruinalabendako pixka bat estua.

Goraintziak iruñsheme-iruinalaba zintzoei!"


----------------------------------------------------------------------------------------------------------------------


"Iruñsheme-iruinalabak", hots, Iruñea eta Iruñeko jendeari buruz,
bai, baina oro har euskaldun guzion historiaren testigantza:
Telesfororen hitzak, Usarraga jauna, Azpako Benta, 
Euskal Jai tokiaren historia xume izkutua, 
Jarautako Etorbidea, Iruñeko txakolina, kokoak, pasaportea, 
Sanferminen historia herrikoia, 1933ko euskaltzale elkartea, 
Larreko eta Apat Etxebarne, Arturo Kanpion ezezagunena, harrigarriena, 
Iturralde, Sarasate, Ziga, Lorenzo Agirre, Jesus Monzon, 
Nazario Karrikiri, Arazuri sendagilea, Tapia, Nagore, "Alejandria", 
Amendux, Amadoz, 1978ko German, 1945eko matxinada, 
"Iruñeko Lasterketa", "Jarautako Maritxu Kajoia", 
lur azpiko Iruñea, Gaztelu Enparantza, Amaia-Arrieta eta Kondestablean, 
1951ko greba orokorra, 1599ko Gerrieder, Biurrun, 2050eko Iruñea?, 
Gürseko iruñshemeak, enpresaburu hura, bere ilobari gutunak...


Interesatzen zaizu?
Informazio gehiago jaso nahi baduzu...
Erosi nahi baduzu...
Zure herri, auzo, elkartean aurkezpen bat antolatu nahi baduzu...

erlantz.posta@gmail.com





No hay comentarios:

Publicar un comentario